హిట్ చిత్రాలకు చిరంజీవి ప్రశంస

ప్రస్తుతం ఆగస్టు 5న విడుదలైన బింబిసార, సీతారామం చిత్రాలు విజయవంతం కావడంతో ఈ రెండు సినిమాలు తెలుగు ఇండస్ట్రీలో హాట్‌టాపిక్‌గా నిలిచాయి. అదే సీతారామం, మరొకటి బింబిసార. ఒకటి క్లాసికల్ లవ్ స్టోరీ అయితే మరొకటి మాస్ ఎంటర్ ట్రైనర్. అయితే ఈ రెండు సినిమాలు ఒకే రోజు విడుదల కావడం విశేషం. అంతేకాదు.. రెండు సినిమాలు కూడా హిట్ టాక్ తెచ్చుకున్నాయి. కలెక్షన్లతో థియేటర్ల వద్ద కాసులు వర్షం కురిపిస్తున్నాయి. అంతేకాదు.. ఇప్పుడు ఈ రెండు సినిమాలపై సినీ విమర్శకులు సైతం ప్రశంసలు కురిపిస్తున్నారు. అటు సోషల్ మీడియాలో కూడా జనం సీతారామం, బింబిసార సినిమాలపై స్పందిస్తూ.. పాజిటివ్ కామెంట్లు పెడుతున్నారు. అంతేకాదు ఈ రెండు సినిమాలు ఇప్పుడు టాలీవుడ్‌లో కూడా జోష్ నింపాయి. గత కొన్నిరోజులుగా థియేటర్లకు జనం రారని.. టెన్షన్ పడుతున్న సినిమావాళ్లకు కాస్త ఊరటనిచ్చాయి. దీంతో సెలబ్రిటీలు సైతం ఇప్పుడు ఆనందం వ్యక్తం చేస్తూ.. ఈ సక్సెస్‌ను ఎంజాయ్ చేస్తూ.. సోషల్ మీడియాలో పోస్టు పెడుతున్నారు.

తాజాగా సీతారామం’, ‘బింబిసార‌’ చిత్రాల‌పై ప్ర‌శంస‌లు కురిపించారు మెగాస్టార్ చిరంజీవి. ఆగస్ట్ 5 న విడుదలైన రెండు సినిమాలు `బింబిసార’, `సీతారామం’ హిట్ టాక్‌ తెచ్చుకోవడం విశేషం. ఓ సినిమా మాస్‌ కమర్షియల్‌ అంశాలతో మాస్‌ ఆడియెన్స్ ని మెప్పిస్తుంటే, మరో సినిమా స్వచ్ఛమైన ప్రేమ కథతో, పొయెటిక్‌ లవ్‌ స్టోరీతో క్లాసీ ఆడియెన్స్ హృదయాలను కొల్లగొడుతుంది. ఇలా `బింబిసార`, `సీతారామం’ రెండూ విజయవంతంగా రన్‌ అవుతున్నాయి. మెగాస్టార్‌ చిరంజీవి తాజాగా ట్విట్టర్‌ ద్వారా అభినందించారు. ఈ మేరకు ఆయన ఓ ట్వీట్ చేశారు. ” ప్రేక్షకులు సినిమా థియేటర్లకి రావడం లేదని బాధపడుతున్న ఇండస్ట్రీకి ఎంతో ఊరటనీ, మరింత ప్రోత్సాహాన్నిస్తూ కంటెంట్‌ బావుంటే ప్రేక్షకులెప్పుడూ ఆదరిస్తారని మరోసారి నిరూపిస్తూ నిన్న‌ విడుదలైన చిత్రాలు రెండు విజయం సాధించడం ఎంతో సంతోషకరం. ఈ సందర్భంగా `సీతారామం`, `బింబిసార` చిత్రాల నటీనటులకు, నిర్మాతలకు, సాంకేతిక నిపుణులకు నా మనః పూర్వక శుభాకాంక్షలు” అని తెలిపారు మెగాస్టార్ చిరంజీవి.