మానసిక వేధింపులు భరించలేని ఓ మహిళ..

మానసిక వేధింపులు భరించలేని ఓ మహిళ..

చిన్నారిని నరికి చంపి రక్తం తాగింది. ఈ దారుణ సంఘటన ఏపీలోని విశాఖ మన్యంలోని పెదబయలు మండలం లకేయుపుట్టులో మంగళవారం చోటుచేసుకున్నది. లక్ష్మీపేట పంచాయతీ కప్పాడు గ్రామానికి చెందిన వంతాల రస్మో అనే మహిళ నెల రోజులుగా భర్తకు దూరంగా ఉంటూ తమ్ముడి ఇంట్లో ఉంటున్నది. అయితే నాలుగు రోజుల నుంచి ఆమె తమ్ముడి భార్య, ఇతర కుటుంబసభ్యులు అత్తగారింటికి వెళ్లిపోవాలని వేధించడం మొదలుపెట్టారు. ఈ క్రమంలో కుటుంబసభ్యుల మధ్య పలుమార్లు గొడవలు జరిగాయి. దీంతో వంతాల రస్మో తమ్ముడి భార్యపై కక్ష పెంచుకున్నది. ఈ క్రమంలో మంగళవారం ఉదయం తమ్ముడి కుమార్తె కొర్ర అనిత (6)ను కట్టెల కోసమని సమీపంలో ఉన్న కొండపైకి తీసుకెళ్లింది.

అక్కడ కట్టెలు నరికే కత్తితో చిన్నారిపై అత్యంత దారుణంగా దాడి చేసి చంపేసింది. ఆ తర్వాత చిన్నారి రక్తాన్ని రస్మో తాగేసింది. విషయం తెలుసుకున్న గ్రామస్థులు కొండపైకి వెళ్లి చూడగా చిన్నారి అప్పటికే మృతి చెందింది. దీంతో గ్రామస్థులు నిందితురాలిని పట్టుకొని చెట్టుకు కట్టేశారు. సమాచారం అందుకున్న పోలీసులు వచ్చి ఘటనాస్థలాన్ని పరిశీలించి కేసు దర్యాప్తు చేస్తున్నారు. అయితే చిన్నారి తండ్రి ఏడాది క్రితమే మృతి చెందాడు. కుమార్తె మృతితో తల్లి కన్నీరుమున్నీరయింది.