prabhas guest house, hyd ghmc,

ప్రభాస్ కు గ్రేటర్ అధికారుల నోటీసులు భవంతిని సీజ్ చేసిన అధికారులు

ప్రభుత్వ స్థలాలను ఆక్రమించుకుని చేపట్టిన నిర్మాణాలు, అనుమతులు లేకుండా చేపట్టిన కట్టడాలపై అధికారులు మరోసారి దృష్టిసారించారు. గ్రేటర్ పరిధిలోని శివారు ప్రాంతాల్లో అక్రమ నిర్మాణాలపై కొరడా ఝలిపించారు. రాయదుర్గం సమీపంలో ‘పైగా’ భూముల్లోని నిర్మాణాలను రెవెన్యూ అధికారులు సోమవారం కూల్చివేశారు. ఇందులో భాగంగా అక్కడ ఉన్న నటుడు ప్రభాస్‌ గెస్ట్‌హౌస్‌ను కూడా అధికారులు సీజ్‌ చేశారు. రాయదుర్గం పైగా భూముల్లో సర్వే నంబరు 46లో 84.30 ఎకరాల స్థలం ఉంది. ఆ స్థలంపై ప్రభుత్వం, స్థానిక వ్యక్తుల మధ్య 1954 నుంచి వివాదం కొనసాగుతోంది. ఇది హైకోర్టు దాకా వెళ్లడంతో మూడునెలల కిందట ఆ భూమి ప్రభుత్వానిదేనని న్యాయస్థానం తీర్పు వెలువరించింది. ఇక్కడ గతంలోనే పశువుల పాకలు, ఇతర నిర్మాణాలు చేపట్టారు. ఆ ప్రాంతంలోనే నే ప్రభాస్‌ గెస్ట్‌హౌస్‌ కూడా ఉంది. కోర్టు తీర్పు వెలువరించినా ఎన్నికల నేపథ్యంలో అధికారులు కొన్నాళ్లు ఆక్రమణల తొలగింపు చర్యలు చేపట్టలేదు.

తాజాగా సోమవారం శేరిలింగంపల్లి తహసీల్దార్‌ వాసుచంద్ర, సిబ్బంది ఆ స్థలంలోని పాకలు, ప్రహరీ గోడలను జేసీబీల సాయంతో కూల్చివేశారు. ప్రభాస్‌‌కు సంబంధించిన గెస్ట్‌హౌస్ దగ్గర ఎవరూ అందుబాటులో లేకపోవడంతో గేటుకు నోటీసు అంటించి తాళంవేసి సీజ్‌ చేశారు. ప్రభుత్వ స్థలమని పేర్కొంటూ అక్కడ నోటు ఏర్పాటుచేశారు. త్వరలోనే ఆ స్థలానికి రక్షణ ఏర్పాట్లు చేస్తామని అధికారులు వెల్లడించారు. వాస్తవానికి రాయదుర్గం సర్వే నంబరు 46లో భూమికి తాము హక్కుదారులమని, తమకు అనుకూలంగా గతంలో కోర్టు డిక్రీ ఇచ్చిందని, దాని ఆధారంగా ఆ భూములను తమకు మ్యుటేషన్‌ చేయాలని కోరుతున్నా రెవెన్యూ అధికారులు పట్టించుకోవడం లేదంటూ కొందరు హైకోర్టును ఆశ్రయించారు. తహసీల్దార్‌పై కోర్టు ధిక్కారం కింద కేసు నమోదు చేయాలని కోరారు. దీనిని గతంలో విచారించిన సింగిల్‌ బెంచ్‌ తహసీల్దార్‌కు 2 నెలల జైలుశిక్షతోపాటు రూ.1500 జరిమానా విధించింది. దీనిపై నాటి తహసీల్దార్‌ తిరుపతిరావు డివిజన్‌ బెంచ్‌కు అప్పీల్‌ చేశారు. దీంతో ఆయనపై ఉన్న కోర్టు ధిక్కారం కేసును కొట్టివేసింది.ఈ సందర్భంగానే సీఎస్‌-7 కేసులన్నీ మోసపూరితమని వ్యాఖ్యానించింది. కోర్టు తీర్పుతో ఈ భూముల విషయంలో ప్రభుత్వానికి ఊరట లభించింది.

భవంతిని సీజ్ చేసిన అధికారులు
రంగారెడ్డి జిల్లా శేరిలింగంపల్లి మండలం రాయదుర్గం లో ఉన్న సినీ హీరో ప్రభాష్ ఇంటిని రెవిన్యూ అధికారులు సీజ్ చేశారు. రాయదుర్గం పాయగా సర్వే నెంబర్ 46 లో వివాదం లో ఉన్న 84.30 గుంటల భూమిని ప్రభుత్వానికి చెందుతున్నట్లు సుప్రీంకోర్టు తీర్పు ఇచ్చిన నేపద్యంలో రెవిన్యూ అధికారులు ఈ మేరకు చర్యలు చేపట్టారు .స్థానికుల వద్ద కొనుగోలు చేసినట్లు చెబుతున్న ప్రభాస్ 2200 గజాల స్థలం లో నిర్మాణాలు చేపట్టారు. సర్వే నెంబర్ 46 లోని భూమికి తామే హక్కు దారులమని మ్యుటేషన్ చేయమని ప్రభుత్వానికి దరఖాస్తు కుడా చేసుకున్నారు. ప్రభుత్వం భూమికి మ్యుటేషన్ తిరస్కరించడం తో అప్పటి తహసీల్దార్ తిరుపతి రావు కు రెండు నెలల జైలు శిక్ష, 1500 జరిమానా విధిస్తు హైకోర్టు తీర్పు చెప్పింది. దీనిపై రెవిన్యూ అధికారులు హైకోర్టు లో అప్పీల్ చేశారు. ప్రభుత్వ భూములు గా తీర్పు రావడం తో బాధితులు సర్వోన్నత న్యాయస్థానంలో కేసు వేశారు. పాయగా భూమిగా గుర్తించిన న్యాయస్థానం ప్రభుత్వ భూమిగా గుర్తించి తీర్పు చెప్పడం తో రెవిన్యూ అధికారులు అక్కడ నిర్మాణాలు సీజ్ చేశారు
Tags:prabhas guest house, hyd ghmc,

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.